Karai Mariano Barrios

Tenda hi`arareñói haguépe karai Mariano Barrios

Karai Mariano Barrios hi`arareñói Caazapá-pe 12 jasypokõi ary 1926, isy héra Anastasia Barrios, itúva jekuaa`ỹva, upévare ha`e ogueraha isy rerajoapýnte “Barrios”, ha`e oho mbo`ehao upe itávape voi mokõiha mbo`esyry pevénte (2º grado). Upéicha upe távape ha`e mitãmi guive omba`apóva kokuépe, upéi ikaria`ývo osẽ oho tahachirópe opyta mokõi ary Primera Compañía Base de Aérea Paraguaýpe.

Upé tahachirópe ohecha ypy ñe`ẽpapára Emiliano R. Fernández- pe, upe javérõ Emiliano oĩva`ekue Intendencia-pe, ha upéicha rupi ha`e ohai avei ñe`ẽpotykuéra oguerekóramojepe voi ipype pe ñe`ẽpapára reko, ohecharamógui ñe`ẽpapárape. Hembiapo apytépe oĩ: Escuelero, Palomita Misionera, Ana Rosa, Edelira Poty, General Artigas Azucena Morotĩ ha ambue.

Ary 1978 pe ha`e oho táva Edelirape hembireko mokõi ta`ýra ha mokõi tajýra reheve, oñepyrũ omba`apo kokuépe.

Ko`ág̃a opyta ha`eño ta`yrakuéra kokue akãme, hembireko ohova`ekue ichugui,

ambue tapicha kuimba`e oguerokañy ichugui, ha upe ára guive ndoikuaavéi mba`eve

hembiayhukuégui