Péicha peteĩ ára apu`ãvo añandu yvytu piro`y ha amaña yvágare ha ahecha kuarahy omimbi ambuéva jepiguágui ha upépe chamndu`a og̃uahẽhague Arapoty ára (En una mañana al levantarme siento la frescura del viento con una sensación distinta a las de otros días, miro al cielo, y observo al sol con un brillo diferente a los de otros días, en ese instante me viene a la mente que ha llegado la Primavera)

Arapoty g̃uahẽ
Apu`ã ange pyhareve voiporã
aikuaa`ỹre mokõipateĩ jasyporundyha
Ahecha kuarahy osẽva yvotyty pa`ũguio
Ha`etéku omombe`úva mba`eporãreko og̃uahẽha
Yvotyjepe ojero`áva péguio ha ha amógui ahecha
Ohehechaukáva mba`e pyahu ouha.
Ára omimbi ha ojajái porãgui
Guyrakuéra ha mainumby ovy`a joaite yvotytýre
Amaña péipi, amoipi ndaipóri ovy`a`ỹva.
Ha ha`e ¡ndaiporichéneha ambue mba`e
Iporãvéva Ñandejára apopyre!.
Asẽ aguata ha ajesarekóvo kuarahy tiníre
Ha`etéku opykaguýva amo yvága ru`ãre
Apyta ajesareko mba`eporãitáre
Añandu chembopy`akyryĩ vy`apavẽ
Ahetúrõ yvoty ryakuã oguerúva yvytu piro`y
Ág̃a chemandu`a sapy`a mokõipateĩ jasyporunduha niko ra`e
Ára kóva guive mbohapy jasy peve,
Yvoty iporãvéva jahecháta opa rupi yvy ape ári
Péicha ahecha mba`e neporãva peteĩ ko`ẽme ha`éva Arapoty
Apohára:
Mbo`ehára:Gustavo González Ortigoza