Rosa
Rosa niko nde réra
Yvotýgui iporãvéva
Nde réra joguahaite.
Kuña nemarangatúva
Che rekove reanuãva
Tapiaite chembovy`áva
Kuñami marangatu.
Tupã ha isy marane`ỹva
Po`ápe cheguereko
Aguyjemante ame`ẽva
Che ñe`emi oñehendúre.
Rosa ko ñe`e ndéve g̃uarã
Rasaite che rohayhúre
Aipyaha che remiandu
Aipotáre reikuaa
Mborayhu aguerekóva
Avavévaicha yvypóra
Ne`ĩrava oikuaa…
Ysyry morotĩmi
Ysyry morotĩmi
Resyrýva ykua rapére
Apu`ãvo ahendu
Neñe`ẽ ha nde puka.
Piramimi akãhatã
Tyapúmante ojapóva
omombe`uvaicha nde réra
Ysyry morotĩmi.
kuarahy ohesapévo
ka`aguy ombojeguáva
nde rape iñypytũva
nde ysyry pe reikoháre.
Ypemimi ahecha ohóvo
ojohysýime isy rapykuéri
opurahéivaicha vy`águi
kunu`ũgui henyhẽ.
Loro blanco ha guajayvi
Ojero`áva upe nde ári
Tekovépe nemoirũva
Ani hag̃ua reparei.
à mba`e iporãva
Tupã rembiapokue
Jahecháva okaháre
Ysyry morotĩmi.
