Ana Rosa

Ana Rosa

Ajapóta ndéve Ana Rosa

purahéi guaranietépe

ha`eségui chegustoitépe

mba`éichapa neporã,

Nde resa ojajaipa

Ku lucero ka`arupýicha

nde tyvyta ku jasyra`ýicha

ikarapã porãite

Nde áva hyru apopẽ

oguejýva nde ati`ýre

ha yvytu vevúi kangýre

kunu`ũ ohaitypo.

Ha ikyrýi che korasõ

ahecháramo nde guata

pykasúpente ojogua

nde rekove palomami

Nde pyti`áre avei

ku yvamimi eguerekóva

avaveváichagua yvypóra

ne`ĩrãva oipo`o.

chénte tañangareko

ijára juhu peve

si cheningo nde rehe

añandu ndachepo`ái.

Nahi`ãiva ningún momento

nde ypýgui che ajei

hendáicha ku panambi

nde rehénte tajere.

Ahechárõ ka`aruete

nde rokárape eguapy

kuarahy reike poty

ha`éva che nde rehe.

Ángel del cielo ovy`aiténe

Oguejýramo nde ypýpe

Ndeipotáne yvagapýpe

Tupãsými imembyrã.

Ha yvypóra angaiparã

nde rekove mariposa

Ha rohayhúre Ana Rosa

Ipoty ko purahéi.

Apohára: Karai Mariano Barrios