Ñe`epapára

EMILIANO R. FERNÁNDEZ

Emiliano R. Fernández

Hi`arareñói Guarambarépe Yvysunu, 08 jasyapy 1894. Itúva ha`eva`ekue pe mburuvicha omotenondeva`ekue ñorairõ guasu karai Silvestre Fernández ha kuñakarai Bernarda Rivarola isy. Mitãmi guive ohova`ekue Paraguaýpe peteĩ tava`i “Bejarano – Recoleta” isy ndive.

Isy rehe omoĩ hérajoapy mbyky omyengoviáva itúva rerajoapy, ombvoheko upéicharõ ndaha`éi Emiliano Fernández Rivarola, hákatu omoĩ Emiliano Rivarola Fernández.

Mitã mbo`ehao oñepyrũva`ekue mbo`ehao Ysatýpe ha omohu`ã ary 1906-me. Orekorõguare 12 ary oñepyrũ ombopu Mbarara, ha tahachi apytépe katu omohu`ã “Concepción-pe”, upérõguare oisãmbyhyva`ekue mburuvicha Tte primero José Félix Estigarribia.

Omendava`ekue kuatiáre Belén Lugo ndive, kuña pire apatĩ Ysatéña pe ñorairõ aja, 8 jasypoapýpe (hi`áramboty jave), ha tupãópekatu, 24 jasykõi “Ca`acupépe”. Ko ñemendágui heñói Emiliano Ramón, ha okapeguáva; Laureano, Ignacio, Rosario ha Norberto Ramón.

Oñepyrũ ohai ñe`ẽpoty “Concepción- pe”, tahachiramoguare.

He`i peteĩ tahachi “Aleman” ombo`eva`ekue chupe omoñe`ẽjoja hag̃ua umi ñe`ẽ. Ome`ẽ hag̃ua mba`eporã hembiapópe oipuru guarani ha castellano ha jopara oikéva opaite tapicha korasõkuápe.

Ha`e ohechauka mba`e iporãva pe jehaipyrépe, pe tekohagui ha avei ñorairõ rehegua umi ñe`ẽpotýpe.

Péicha he`e omopu`ãva`ekue mburuvichaguasu “Mariscal Francisco Solano López” rembiapokue ojejapova`ekuére hesekuéra Cháko ñorairõme, ha`e py`aguasúpe oñorairõva`ekue ha ojejapi mokõhápe ha ojehupi chupe yvateve upérõ “Nanawua”- pe peteĩ meñáre “Artículo” Nº 46.692. Ikatu`ỹre oku`e opa rire ñorairõ ojupi he`e “Teniente segundo- pe”.

Heta hembiapokue péicha heta ñe`ẽpotýgui ojejapo purahéi umi puraheihára katupyrýva ha`éva: Félix Pérez Cardozo, Mauricio Cardozo Ocampo, Andrés Cuenca Saldivar, Ramón vargas Colmán, Martín Escalante ha Carlos Quintana.

Umi tapicha ndovy`ai jave he`íma voi peteĩ Emilianore mba`e”.

Ojeikutuva`ekue peteĩ ñorairõme tenda hérava “Bar Mberu” Loma Clavel-pe, 3 jasypateĩme ary 1948. Omano 15 jasyporundy ary 1949.

Ñe`ẽpoty ñepyrũngue ha`e: Primavera ha Trigueñita , ha ipahápe: Mi Pluma

( escrita en castellano) ha Arasy Memby tee (23 de junio 1948), ohaiva`ekue Hasýva rerekuápe Yaguaronína Facunda Velásquez. Hetekue opytu`u Yvysunu Guarambarépe( ojeguerovava`ekue Recoleta-gui 8, jasyrundy (agosto) ary 1998-pe