jueves, 4 de febrero de 2010

Manuel Ortiz Guerrero (MANU)

Manuel Ortiz Guerrero (MANU)

(1894 – 1937)

Manuel Ortiz Gerrero hi`ára reñói táva Villarrica-pe ary 1894, oĩ avei he`íva heñoi hague ary 1897-me.

Itúva ha`eva`ekue Vicente Ortiz ha isýkatu kuñakarai Susana Guerrero. Manu isýpe ndohechaiva`ekue hekovépe omanógui ha`e hi`arareñói jave. Upéicha rupi okakuaa ijarýi ndive ohógui itúva mombyry, imitã`i guive.

Michĩ guive ohecharamo ha oipy`ara`ã chupe ñe`ẽporãhaipyre ha`éva ñe`ẽpoty ha ohai mbeguekatu ohóvo ha upe ára guive oñepyrũ ombyaty ñe`ẽpoty. Oheja itáva ou hag̃ua oiko Paraguaýpe ary 1914 guive. Imborayhyjára hérava`ekue Dalmacia.

Oje`e ha`e imitãmíme ohoramo itúva ndive ka`aguy Alto Parana rehe, ambuéva katu he`i ohohague Brasil gotyo ha ou rire upégui ogueru mba`asy vaiete okuerava`ỹre (lepra) ha omano ary 1937- me.

Imitãrusúpe ohova`ekue mbo`ehao “Nacional de la Capital-pe” ha ohai upépe ñe`ẽpoty omomaiteíva ou ramo ñane retãme ñe`ẽpapára Zorrilla de San Martin-pe.Upépe ojekuaa ohaiporãha, oñeme`ẽ chupe jopói ohai porãitarei haguére, omomba`eguasu chupe Zorrilla de San Martin.

Oiko tape Paraguari ha Progreso-pe, upépe omopyenda peteĩ “imprenta” hérava *Suruku`a*, oikuaauka hag̃ua hemiandu ñe`ẽpotýpe ha ñoha`anga.

Ary 1929-pe oikuaa José Asunción Flores-pe, hendive oikuauka purahéi rupi iñe`ẽpoty ha`éva “Panambi Vera”, “Nde Rendápe Aju, Kerasy”, “Paraguaýpe”, “Buenos Aires , Salud”.

Hembiapokue ha`e: Surgente (1922), Pepitas (1930), Nuves del Este (1930).

Manu rembiapokue ojekuaavéva ha`e “La amarga plegaria de unos labios en flor”, Delirio de Pizzicato, Endoso Lírico, Loca, Suma de Bienes, Diana de Gloria, La amada inefable ha Raida Poty. Ñoha`anga “El crimen de tintalia” ohaiva`ekue Paraguaýpe ary 1920-pe.

“Hiérete” ohai Villarrica-pe ary 1920-pe.

Oñeguenohẽ marandu: “Lo nuestro”—Juan Pastoriza –Pedro Espínola.

No hay comentarios:

Publicar un comentario