Marangatu

Marangatu

“María Auxiliadora Ára”

Péicha ára mokõiparundy jasypópe (24 de mayo) oiko mandu`a guasu marangatu Maria Auxiliadora ára, pe táva`i orahavavoi marangatu réra; ymaite guive upe távape ojeguerohory ha oñemomandu`a marangatúpe।

Péicha avakuéra imba`erovia ko marangatúre, ha og̃uahẽta jave hi`ára oiko ñembo`e porundy ára, ha avei oiko ñemboguata marangatúpe táva`i jerére. Upéicha jave umi tava`igua ombojeguapa tape jere ikatu hag̃uáicha upe rupi ohasa marangatu।

Pe hi`araitépe avareguasu omoakã pe ñembo`eguasu tupãópe oĩháme opaitéva tapicha imba`eroviáva María Auxiliadorare.

Opa rire ñembo`eguasu, oiko heta ñembosarái upe tupão korapýpe, avei oiko jekaruguasu ojejapóva tembi`u ñanemba`eteéva। Pe arakue katu oiko ñembosarái vakapipopóre, oñehendu pupoty ha polka kyre`ỹ ñanembyetie`éva rehegua.

Sapy`aitérõ g̃uarã ojehecha umi tava`igua ijatyjoáva pe pyhare tupãópe ojerokýmakatu vy`a ikanguéva ojapo hikuái. Avei heta tapicha ohóva ambue tetãre oujoa upe árape omomarandu hag̃ua Maria Auxiliadórape, ha upekuévo ombohupami hogayguakuérape, opávo vy`aguasu oipykúi jey tetã ambuére omba`apóvo।

Péicha ojevy`a pe tava`i hérava María auxiliadora oraháva voi marangatu réra.